शौर्य दिनानिमित्त भीमा कोरेगाव शूरवीरांना भीम टायगर सेनाकडून मानवंदना
पुसद (प्रतिनिधी):
भीम टायगर सेना, पुसद तालुका आणि शहर यांच्या वतीने १ जानेवारी रोजी भव्य प्रमाणावर "शौर्य दिन" साजरा करण्यात आला. भीमा कोरेगावच्या शूरवीरांना अभिवादन करण्यासाठी आयोजित या कार्यक्रमात उत्साहपूर्ण रॅली, भव्य सांगीतिक कार्यक्रम आणि विविध मान्यवरांची उपस्थिती यामुळे पुसद शहर दुमदुमून गेले.
पहिले सत्र: भव्य मानवंदना रॅली
सकाळी ११ वाजता तीन पुतळ्याजवळ पंचशील त्रिशरण घेत भव्य मानवंदना रॅलीला सुरुवात झाली. छत्रपती शिवाजी महाराज चौक, नेताजी सुभाषचंद्र बोस चौक मार्गे ही रॅली डॉ. बाबासाहेब आंबेडकर चौकातील मुख्य पुतळ्याजवळ समाप्त झाली.
दुसरे सत्र: सांगीतिक कार्यक्रम
सायंकाळी , सुप्रसिद्ध भीम शाहीर आणि युवा गायक संच अमरावती यांनी भिम गीतांच्या संगीतप्रबोधनाने उपस्थितांची मने जिंकली. त्यांच्या बहारदार गाण्यांनी सामाजिक जागरूकतेचा संदेश दिला.
कार्यक्रमाचे अध्यक्ष दादासाहेब शेळके (संस्थापक अध्यक्ष भीम टायगर सेना) यांनी मार्गदर्शन केले, यांसह अनेक मान्यवर कार्यक्रमात सहभागी झाले होते .
कार्यक्रमाचे स्वागत प्रा. डॉ. सुनिल खाडे यांनी केले.
किशोरदादा कांबळे (जिल्हाध्यक्ष भीम टायगर सेना) यांच्या नेतृत्वाखाली हा कार्यक्रम आयोजित करण्यात आला. सूत्रसंचालन प्रा. जनार्धन गजभिये आणि आर. पी. गवई यांनी केले.
कार्यक्रम यशस्वी होण्यामागील अथक परिश्रम
कार्यक्रमाच्या यशामागे - अण्णा दोडके,प्रभाकर खंदारे,जनार्धन झोडगे, रविकांत सु. शिंगणकर, प्रितम आळने, गोतम खडसे, दिपक गायकवाड, राजु पठाडे, मधुकर ठोके, राहुल झिंझारे, विशाल काटे,विष्णु सरकटे, राजु बालखंडे इत्यादी कार्यकर्त्यांचे अथक प्रयत्न होते.
कार्यक्रमाच्या यशस्वीतेसाठी बळवंत मनवर (जिल्हा महासचिव, भीम टायगर सेना) यांनी आभार मानले.
प्रसिद्धी प्रमुख: प्रिंट व इलेक्ट्रॉनिक माध्यमांच्या सर्व प्रतिनिधींनी कार्यक्रमाचे उत्कृष्ट कव्हरेज केले.
